Forritun og sjálfvirkni

Sæktu gögnin þín sjálfkrafa úr kerfi sem þú notar

Láttu forritunarfulltrúa lesa skjölun vefþjónustunnar hjá bókhalds-, bókunar- eða sölukerfinu þínu og skrifa litla skriftu sem sækir gögnin reglulega.

Claude Code Claude Lengra komið

Svona gerir þú

1. Opnaðu Claude Code og veldu möppuna sem á að vinna í. Taktu afrit af henni fyrst ef skrárnar skipta máli.
2. Límdu skipunina inn, skiptu út því sem er í [hornklofum] og sendu.
3. Farðu yfir áætlunina sem hann leggur fram áður en þú leyfir honum að breyta nokkru.
4. Lestu svarið yfir og biddu um lagfæringar ef eitthvað vantar eða stenst ekki.

Ég nota [kerfi] og vil sækja [gögn, t.d. reikninga síðasta mánaðar eða bókanir vikunnar] sjálfkrafa í CSV-skrá.

1. Finndu opinbera skjölun vefþjónustunnar, lestu hana og segðu mér hvaða endapunkta við þurfum, hvernig auðkenning fer fram og hvaða takmörk eru á fjölda fyrirspurna. Vísaðu í slóðir.
2. Skrifaðu skriftu sem les aðgangslykilinn úr umhverfisbreytu. Biddu mig aldrei um að líma lykilinn í spjallið og skrifaðu hann hvorki í kóðann né í atvikaskrá.
3. Byrjaðu á einni fyrirspurn sem aðeins les gögn, sýndu mér svarið og bíddu eftir samþykki.
4. Bættu svo við síðuskiptingu, villumeðhöndlun og vistun í CSV.
5. Skrifaðu leiðbeiningar um hvernig ég læt skriftuna keyra sjálfkrafa á föstum tíma.

Notaðu eingöngu lesaðgerðir. Ekki stofna, breyta eða eyða neinu í kerfinu og giskaðu ekki á endapunkta sem eru ekki í skjöluninni.

Skiptu út því sem er í [hornklofum] og límdu skipunina inn í verkfærið.

Búðu til aðgangslykil sem hefur eingöngu lesréttindi, ef kerfið leyfir það, og geymdu hann utan kóðans.

Verkfæri sem henta

• Claude Code Skrifar og keyrir kóða.
• Claude Spjall, skjöl og greining.